Ministri i Jashtëm, Ditmir Bushati, është thirrur të enjten në një interpelancë në Kuvend për të raportuar rreth zhvillimeve të kohëve të fundit në Maqedoni. Kërkesa për interpelancë është bërë nga deputetja e Partisë Demokratike, Mesila Doda.
Rendi i ditës i seancës së sotme të Kuvendit përfshin dhe diskutimin e disa pr/ligjeve, si ai “Për faljen e gjobave për mospagimin në afat të kontributeve të detyrueshme të sigurimeve shoqërore dhe shëndetësore nga subjekte juridike dhe fizike”, si dhe ratifikimin e disa marrëveshjeve, që lidhen me projekte zhvillimore.
