Një shqiptar 19-vjeçar është arrestuar nga policia në Itali, pasi kultivonte hashash në tarracën e shtëpisë.
“Nuk kam asnjë mundësi tjetër të mbijetoj e të rris vajzën”, është justifikuar i riu para policisë.
Sipas medias italiane, 19-vjeçari është baba i një vajze të vogël dhe jetonte me të dashurën e tij italiane.
Ai u arrestua në Peruxha, pasi gjatë kontrollit në banesë, iu gjetën bimë narkotiuke kanabis të mbjellë në vazo në ballkon. Krahas tyre, në banesë iu gjetën edhe doza me hashash dhe marijuanë, 600 euro si edhe përzjerës dhe materiale për paketimin e drogës.
“Jam i papunë dhe kjo eshte mënyra e vetme për të vazhduar përpara”, ka deklaruar.
Shqiptari u arrestua, kurse e dashura e tij akuzohet për kultivimin dhe posedim të substancave narkotike me qëllim trafikimi.
Panorama/d.i.