Një shqiptar i moshës 35 vjeçare së bashku me pronarin e një ferme po hetohen nga policia italiane për kultivim të bimëve narkotikemë në Carpaneto të Piaçensës.
Policia ka zbuluar një plantacion me marijuanë, bimët e të cilave kishin arritur në rreth 2 metra të larta. Por e habitshmja ishte se bimët ishin të “fshehura” nga një seri bimë perimesh, madje ato ujiteshin me një sistem automatik, që ujin e merrte pikërisht në fermën që ndodhej 700 metra më tutje.
Për këto arsye, policia nisi procedimin penale për italianin dhe shqiptarin, pasi këtij të fundit I ishin gjetu edhe shenjat e gishtërinjve tek bimët narkotike.
Pavarësisht këtyre provave, të dy kanë mohuar akuzat./java/
