Sekretari i Marrëdhënieve me Publikun në Partinë Demokratike, Edvin Kulluri ka deklaruar në emisionin “3D” të Alban Dudushit në RTSH 1 se “pazari” më i madh sipas tij që ka bërë formacioni politik ku ai bën pjesë ka qenë amnistia ndaj protestuesve që shpeshherë janë ndaluar nga policia në protestat ndaj mazhorancës.
Sipas Kullurit, Berisha po bën pazar me kryeministrin Edi Rama sepse po diskuton edhe ligjin e dekriminalizimit duke kërkuar që të hiqen disa vepra penale.
“Në momentin që ti ulesh dhe ke disa produkte të qarta në funksion të interesit publik, unë kam të drejtë të them që nëse nuk janë pazare, janë marrëveshje okulte, sepse nuk jam i qartë për këtë nënkomisionin sepse nuk i qartë për ligjet me 3/5 dhe reformat kërkojnë shumicë të cilësuar. Për shembull duan të heqin disa vepra penale që janë parashikuar për ligjin e dekriminalizimit që ne e kemi sukses të gjitha palët e PD-së.
Është diskutuar edhe kjo, kush po bën pazar këtu, ata se ne nuk jemi ulur të flasim për këtë punë. Ne kemi kërkuar që të merreshin parasysh dhe kemi bërë “pazarin e madh” ne që kemi kërkuar që protestuesit të amnistohen, por kur e kërkojmë ne është pazar, kur e kërkon doktori janë demokratë. Ky është spektakli i gjithë kësaj gallate 5-mujore që bën doktori nga ballkoni”, u shpreh Kulluri.
/a.r
