Edvin Kulluri, kryetar i Partisë “Djathtas 1912”, ka njoftuar se janë zyrtarizuar bisedimet për formimin e një koalicioni me Partinë “Lëvizja për Zhvillim Kombëtar” (LZHK), e drejtuar nga Dashamir Shehi, për zgjedhjet e 11 majit. Në një intervistë për “Ditari i Pasdites” në A2 CNN, Kulluri theksoi se koalicioni është ende në fazën e diskutimeve me faktorë të tjerë politikë dhe se janë duke bërë thirrje për bashkimin e partive që ndajnë vlera të përbashkëta.
Ai theksoi rëndësinë e krijimit të një fronti të gjerë, duke marrë parasysh vështirësitë që kodi zgjedhor për partitë e vogla, dhe se ftesa e tyre për bashkim është ende e hapur për partitë që kanë një peshë publike ose që kanë pasur rezultate pozitive në zgjedhjet e kaluara. Sipas tij, deri tani vetëm “Djathtas 1912” dhe LZHK kanë rënë dakord për koalicionin, ndërkohë që disa parti, si ajo e Arlind Qorit dhe Agron Shehajt, kanë shprehur se nuk do të bashkohen me asnjë subjekt tjetër.
