Kukësi e mbylli me një fitore 2-0, ndeshjen e kthimit ndaj Torpedo Kutaisit, por duke parë humbjen 5-2 në ndeshjen e parë, ishte vetëm një gol larg mrekullisë, për të arritur një përmbysje fantastike.
Ndeshja e zhvilluar në “Elbasan Arena”, u vendos nga dy penallti, nga një për çdo pjesë. Të dyja u fituan nga Rexhinaldo, dhe ishte vetë sulmuesi i afruar këtë merkato te verilindorët, që i shndërroi po vetë në gol.
Ekipi i Cungut pati edhe raste të tjera, me Shkodrën apo Harbën, por mrekullisht, portieri i gjeorgjianëve priti në dy raste, në minutat e fundit, duke i hequr mundësinë Kukësit për një fitore me 3 gola diferencë. Përfundimisht, këtu merr fund aventura europiane e Kukësit.
Kukësi-Torpedo 2-0 (2-5)
GOL: Rexhinaldo pen. 28′, pen. 76′
