Kryebashkiaku i PD ne Kukës, Bashkim Shehu në një deklaratë për mediat i bëri thirrje qeverisë që të gjejë një zgjidhje për situatën e krijuar lidhur me taksën e vendosur për makinat që kalojnë nga Shqipëria në drejtim të Kosovës dhe anasjelltas. Shehu i bëri thirrje instancave përkatëse që të lirojë protestuesit e arrestuar pasi sipas tij kjo situatë nuk zgjidhet me arrestine.
“Ka edhe brenda protestuesve socialistë të ndershëm. Nuk bëhet kjo punë me përjashtime. Duhet të ulet me qytetarët. Unë nuk kam pse largohem asnjë minutë nga Kukësi. Nëse Qeveria do të dëgjojë qytetarët e Kukësit le të vijë përmes institucioneve dhe të komunikojë me qytetarët. Unë nuk shkoj në takim me kryeministrin nëse nuk lirohen protestuesit”, tha Shehu.
Sipas tij “unë e kam deklaruar se nuk jam kundër taksës. Sa kohë që qytetarët e mi ndihen keq, unë përfaqësoj vetëm ata. Bashkim Shehu bëhet pjesë e çdo proteste që organizon PD, qytetarët e Kukësit apo shoqëria civile”.
