Dhjetori është muaji festiv ku lodrat për fëmijë kanë kohën e shitjeve më të mëdha. Nisur nga fakti I ekzistencës në treg të shumë lloje lodrash, mjekët toksikologë u tërheqin vëmendjen prindërve të mbajnë larg fëmijëve lodrat plastike pasi kanë në përbërje elementë kimikë të dëmshëm për zhvillimin e tyre.
“Lodrat më të rrezikshme janë ato që nuk kanë certifikimin e duhur sipas kritereve të BE. Prindërit duhet ta dinë se të gjitha lodrat plastike janë të dëmshme pasi kanë elementë kimik të rrezikshëm për zhvillimin e fëmijëve . Edhe ato kompani që prodhojnë lodra plastike të certifikuara nuk janë 100% të sigurta”, tha mjekja toksikologe.
Ja cilat janë disa nga dëmet që shkakton një lodër pastike tek fëmijët ?
“Pengon zhvillim e fëmijëve, shkakton probleme neurologjike, endokrinologjike deri edhe tumor në tru nga ngjyruesit e dëmshëm”, tha mjekja.
Por si të dallojmë një lodër të sigurtë?
“Lodra të sigurta janë ato të cilat në ambalazhin e lodrës nga pas ka një numër ISO që tregon certifikimin dhe ky numër fillon me dy gërmat CE. Një lodër që ka aromë të rëndë nga plastika dhe ngjyra të theksuara duhet mbajtur larg”, thotë toksikologia.
Mjekët thonë se edhe lodrat metalike përbehen nga metale të rënda ndaj duhet bërë kujdes. Lodrat më të sigurta për fëmijët janë vetëm ato të drurit.
/f.s
