Punimet të cilat do të zhvillohen në datat 31 maj dhe 1 qershor do të lënë për disa orë pa energji elektrike disa nga zonat kryesore të Durrësit.
Lajmim e bën të ditur Operatori i Sistemit të Transmetimit, e cila shprehet se këto punime do të behën në kuadër të përmbushjes së detyrimit për forcimin dhe sigurimin e rrjetit të tensionit të lartë.
Mësohet se në datë 31 zona më e prekur do të jetë ajo e Shijakut ku energjia eklektike do të mungojë nga ora 9:00 deri në 15:00.
Ndërsa në 1 qershor energjia elektrike do të shkëputet për zonat Rrazhbull dhe Spitallë, ku gjithashtu do të mungojhë nga ora 09:00 deri në orën 15:00.
Njoftimi
OST, punime në linjat 110 kV: Datat, zonat dhe orët pa energji në zonat e Durrësit
Në përmbushje të detyrimit për forcimin dhe sigurimin e rrjetit të tensionit të lartë, Operatori i Sistemit të Transmetimit (OST Sh.A) do të kryejë më 31 Maj dhe 1 Qershor, ndërhyrje (punime) në dy linjat 110 kV Rrashbull – Sallmone (Sukth) dhe Rrashbull – Spitallë.
Ky operacion do të shoqërohet detyrimisht me stakim të energjisë, e cila disa zona të Durrësit dhe Shijakut, konkretisht.
31 Maj, linja 110kV Rrashbull – Sallmone (Sukth)
Nga ora 09:00 deri në orën 15:00, zonat pa energji elektrike kryesisht të Shijakut:
Breg Lumi, Punishte, Komunale, Qendër Shijak, Perimore, Sallmone Kodër, Zona Fermë Sukth, Hidrovori, Lagja e Stallave, Biznes privat gjate autostradës, “4 Rrugët”, aksi Maminas-Shijak, S.M.T-ja, Grumbullimi, Maminasi, Sallmone,
Gjiri i Lalëzit dhe Kompleksi Lura.
1 Qershor, linja 110kV Rrazhbull – Spitalle (Porto Romano 2)
Nga ora 09:00 deri ne 15:00, pa energji gjatë kësaj kohe mbeten disa zona, kryesisht të Durrësit, si:
Shenavlashi, Vrrin, zona e ish-kënetës Durrës, Impianti i Ujërave të Zeza.
Subjekte private Depozitat e ”RIRAS” në Porto Romano, ANOIL, Eropetrol,
Intergaz, Subjekte private ”Serat”, ADC, Universiteti Godina e Re, Ferri Trans Subjekt Betoni,
Qyteti Durrës: Lagja Nr.15 zona Spitallë, Policia-drejtim Shkozetit (krahu i majtë i rrugës kryesore), Lagja Nr.18 zona Spitalit – Materniteti – drejtim Shkozetit
(krahu i djathtë i rrugës kryesore), degëzimi Currilat-Fabrika e Tullave, si dhe degëzimi Pallatet Parafabrikat-Kisha-Tregu Industrial.
Duke ju shprehur ndjesë për shqetësimin, OST kërkon mirëkuptimin e abonentëve për ndërhyrjet e nevojshme, në garantim të furnizimit të qëndrueshëm më energji elektrike! /b.d
