Ndeshja Shqipëri – Serbi po afron (8 tetor) dhe tensioni ende nuk ndihet nga afër, por ama shenjat e para të një atmosfere të ngarkuar janë “transmetuar” që tani. Duke kujtuar “Luftën e Ftohtë” SHBA – Rusi me simbole dhe kode super të fshehta, sot në Shqipëri janë parë provat e para të mbërritjes së huliganëve serbë.
Bëhet fjalë për grupimin “Ultras Grobari Partizani Beograd”, të cilët ishin të pranishëm në ndeshjen e 14 tetorit të luajtur në Beograd një vit më parë në kryeqytetin serb. Ata kanë lënë shenjat e tyre në tabelat e qytetit të Tiranës, duke paralajmëruar se më 8 tetor do të jenë gati për … sherr.
Fotoja është dërguar në faqen “JETA OSH QEF” në rrjetin social “Facebook” nga një tifoz.
