Dalin detaje të reja lidhur me ngjarjen e raportuar mëngjesin e kësaj të hëne nga policia, sipas të cilëve, kufoma e një mashkulli është gjetur e groposur në Dajt.
Burimet thanë për Panoramën se viktima ishte qëlluar me dy plumba, një në kokë dhe një në zemër, pra është vrarë me armë zjarri dhe më pas është groposuar në atë zonë.
Policia ka konfirmuar zyrtarisht se ngjarja ka ndodhur 6 muaj më parë. Teksa Mjekësia Ligjore ende nuk ka dhënë detaje për shkak se ende nuk ka përfunduar autopsia.
Ka qenë qeni i një bariu që ka kaluar në atë zonë që ka pikasur trupin dhe më pas bariu ka njoftuar policinë.
Sipas burimeve zyrtare, mësohet se kufoma ishte e dekompozuar dhe e groposur jo shumë thellë.
Njoftimi i policisë:
Me datë 14.02.2016, në fshatin Priskë Dajt, në vendin e quajtur Zabel’, është gjetur një kufomë dekompozuar e seksit mashkull, me moshë të pa përcaktuar. Kufoma ishte e groposur jo shumë thellë kur është kostatuar nga një bari i zonës, pasi qeni i bariut po germonte në vendin ku u gjet kufoma. Kufoma u transportua pranë Morgut në SQU, për ekzaminimeve të mëtejshme mjeko ligjore. Punohet për identifikimin e kufomës dhe sqarimin e rrethanave të ngjarjes. Materialet i kaluan Prokurorisë, për hetime të mëtejshme.
Panorama
