Policia e Vlorës ka thënë sot se trupi i pajetë i 25-vjeçarit është gjendur në Vranisht.
Kanë qenë banorët e zonës ata që pasi kanë gjetur trupin e pajetë, e kanë dërguar në spitalin rajonal. I riu fatkeqësisht ka humbur jetën, ndërsa ka pasur një plagë arme zjarri në kokë.
Grupi hetimor thotë se vrasja mund të jetë shkaktuar nga pakujdesia ose kemi të bëjmë me një vetëvrasje. Mësohet se viktima punonte si çoban në stanet e Sheref Lelajt.
Ky i fundit është ndaluar për t’u marrë në pyetje ndërsa edhe dy djemtë e 74-vjeçarit janë shpallur në kërkim.
