Mrekulli në mes të tragjedisë që ka pllakosur vendin nga tërmeti. Një 17-vjeçar Ramë Lala është shpëtuar duke u nxjerrë nga rrënojat ku kishte mbetur si pasojë e shembjes së banesës te Këneta nga trëmeti. Pas nxjerrjes 17-vjeçari është transportuar për ndihmë në spital.
Nga banesa katër katëshe e familjes Lala me origjinë nga Peshkopia, janë nxjerrë të pajetë dy persona, Sadete dhe Ilir Lala. Në këtë banesë jetonin tre kurora të së njëjtës familje.
Mësohet se i riu ka pyetur për të ëmën teksa është marrë me barelë dhe ka pyetur për të ëmën. “Ku është mami”, mësohet se ka thënë ai.
Mësohet se ata që kanë ndërhyrë duke e nxjerrë nga rënojat kanë qenë një grup të forcave të ardhura nga Kosova.
g.kosovari
