Flitet se janë 129 miliarderë që kanë jetuar më 2014 në Zvicër. Ata jetojnë kryesisht në
Gjenevë dhe Cyrih. Po ashtu në Bernë dhe Graubünden jetojnë një numër i madh i të pasurve. Në krye të personave më të pasur dhe familjeve që banojnë në Zvicër është familja Kamprad, kështu ka treguar “Bilanz” në ranglistën vjetore, shkruan SRF, e cituar prej albinfo.ch.
Themeluesi i IKEA-s, Ingvar Kamprad, me të vërtetë është kthyer në Suedi, por tre djemtë e tij jetojnë ende në kantonin e Vaudit. Në përgjithësi, familja zotëron një pasuri prej 42.5 miliardë frangash zvicerane.
Edhe vendet malore janë lokacionet ku ndjehen rehatshëm miliarderët. Më tërheqës është Berna, sidomos Oberland dhe Graubünden, ku jetojnë 10 miliarderë. Kantonet me më së shumti miliarderë janë Schaffhausen, Uri dhe Jura.
