Vetëm pak pasi njoftoi kthimin e ndryshimeve në kodin zgjedhor në Kuvend, Presidenti Ilir Meta apeloi sërish mazhorancën për reflektim, ndryshe sipas tij do të jetë përgjegjëse për zhvillimet në vend dhe vonesat në procesin e integrimit.
“Thirrja e tyre drejtuar presidentit për ta kthyer përsëri në Kuvend këtë akt. Me qëllim rikthimin e aktit në shinat e 5 qershorit, kjo ishte një arsye kryesore për t’i dhënë mundësi tjetër maxhorancë që të reflektojë, të respektojë këtë marrëveshje gjithëpërfshirëse, përndryshe padyshim që do të mbajë një përgjegjësi kritike. Jo vetëm për këtë precedent të rrezikshëm në 3 dekada në mënyrë të njëanshme dhe për vonesën pa fund të procesit të çeljes së negociatave. Respektimi i kësaj marrëveshje është kusht i padiskutueshëm për BE.”, tha Meta.
Z.President, ju e keni kthyer ndërsa përfaqësuesit thonë që do e rrëzojnë dekretin? Cfarë do të bëjë presidenti?
“Presidenti është shumë i qetë pasi është në një gjatësi vale me popullin shqiptar, pavarësisht preferencave partiake dhe politike, apo atyre që janë pa parti. Duhet t’i jepet fund kësaj krize artificiale dhe mungese skandaloze të përgjegjshmërisë“, tha Meta.
g.kosovari
