E ndërsa po përmbyllen dhe rezultatet e këshillave në gjithë vendin dhe forcat poltike kërkon të lexojë fitoren sic i intereson, disa specifika janë vënë re kryesish për Këshillin Bashkiak ët Tiranës, apo në disa bashki, ku fushata e kandidatëve të partive të vogla u ka hequr shumë votave partivë të mëdha për Këshillin Bashkiak.
Përveç të majtës që qeveris, në Këshillin Bashkiak të Tiranës këto zgjedhje është krijuar edhe një shumicë tjetër ndonëse jo vendimmarrëse dhe kësaj here është ajo e grave.
Amendimi i kodit zgjedhor për kandidimin nga forcat politike për anëtarë të këshillit gjysmën burra e gjysmën gra, dha efektin e saj, duke krijuar në pothuaj gjithë këshillat e 61 bashkive një prani të ndjeshme grash.
Por në kryqeytet ato janë më shumë se burrat, në raportin 32 me 29. Tre forcat kryesore politike, PS, PD DHE LSI, POR EDHE FRD e PDIU treguan zemërgjerësi edhe në hartimin e listës së kandidatëve, duke vënë secila në krye të saj gruan të parën.
Këto parti kanë nga një grua më shumë në përberjen e grupit të anëtarëve në Këshillin bashkiak të Tiranës, ndërsa Lzhk dhe PR kanë vetëm nga në anëtar dhe ata janë burra.
Ajo çfarë tjetër bie në sy teksa sheh rezultatet e këshillave bashkiakë është zhvleftësimi deri diku i filozofisë se votat që marrin partitë politike në zgjedhjet vendore është në realitet mbështetja që ato kanë në popull.
Rasti më domethënës i përmbysjes së kësaj teze është Lezha, por dhe një pjesë e bashkive, ku forca të shumta politike të vogla ia kanë dallë të sigurojnë nga një anëtar në këshillin e bashkisë.
Vota është përkthyer si një votë përllogaritur e interesave të ngushta lokale për individë të caktuar nga familja, farefisi, shoqëria, apo kandidimi i të ashtuquajturve “të fortit e zonës”.
Vetëm në Lezhë 15 nga 41 anëtarët e këshillit janë të forcave politike që kanë fituar nga 1 anëtar .
5 të tjera i ka partia Ora e Shqipërisë, por aq sa Partia Socialsite.
7 janë të Partisë Demokratike që ka fituar edhe bashkinë, ndërsa 4 anëtarë ka Lëvizja Socialiste për Integrim.
Në këtë kontekst për shkak të individëve të kandiduar, bie në sy edhe shpërndarja e mandateve për PDIU, e cila nuk ka marrë vota vetëm në zonat ku banojnë çam.
Ajo ka dy anëtarë në Kukës, ka edhe në Laç, Fushë-arrës apo Malësi të madhe. PBDNJ, parti që kryesisht mbron interesat e minoritet grek, ka një anëtër këshilli në Mirditë. Ndërsa demokristianët e Nard Ndokës nuk kanë vetëm 2 anëtarë në këshillin e Vaut të Dejës, por edhe dy të tjerë në Selenicë të qarkut Vlorë.
ABC News
