Talebanët nuk kanë rënë dakord për zgjatjen e afatit të evakuimit, tha zëdhënësi i tyre Zabihullah Mujahid në një konferencë shtypi.
Ai u shpreh se talebanët synonin që çdo evakuim ndërkombëtar të përfundonte deri më 31 gusht.
Mujahid deklaroi gjithashtu tha se nuk ishte në dijeni nëse kishte pasur një takim midis përfaqësuesit të tyre Mullah Baradar dhe shefit të CIA -s.
Zëdhënësi theksoi se talebanët nuk i lejuan afganët të shkojnë në aeroportin e Kabulit për shkak të situatës kaotike atje.
Ai gjithashtu i bëri thirrje turmës së mbledhur në aeroport të kthehen në shtëpitë e tyre, duke thënë se siguria e tyre ishte e garantuar.
“Ne u kemi kërkuar amerikanëve të mos inkurajojnë afganët të largohen. Ne kemi nevojë për talentin e tyre dhe të qëndrojnë këtu” tha ai.
Zëdhënësi i talebanëve gjithashtu pohoi se media afgane tani po punon përsëri, si dhe spitalet, shkollat, universitetet dhe qeveria lokale.
/b.h
