Agjencia e lajmeve “Reuters” ka publikuar një video të dëbimit të azilkërkuesve shqiptarë nga Gjermania për në Shqipëri. Videoja tregon momentin e mbërritjes në Rinas të 80 azilkërkuesve shqiptarë.
Mes tyre është edhe Marjeta Ymeri e cila thotë se shkoi në Gjermani për një jetë më të mirë.
“Shkova në Gjermani për shkak të problemeve ekonomike. Nuk mund të them asnjë fjalë të keqe për Merkelin. Gjermania na dha për të ngrënë, na ka respektuar dhe na ka ofruar strehë”, thotë ajo.
