Gjykata Kushtetuese e Maqedonisë sot e shpalli veten jokompetente lidhur me iniciativën për vlerësimin e ligjshmërisë së Vendimit për vendosjen e Kryqit në Komunën e Butelit.
Vendimi për dhënien e pajtimit për vendosjen e kryqit në rajonin e komunës Butel është marrë në muajin shkurt të këtij viti nga Këshilli i komunës, ndërsa iniciativa e kontestimit është ngritur nga Lëvizja për Reforma – PDSH.
Nga Gjykata sqaruan se e kanë hedhur iniciativën pasi që nuk është një përshkrim i përgjithshëm, por është lidhur me një objekt, lëndë, gjegjësisht punë konkrete.
Projekti për vendosjen e Kryqit është i Kongresit Botëror Maqedonas, partisë nacionaliste maqedonase të udhëhequr nga Todor Petrovi, ndërsa u përkrah nga VMRO-DPMNE-ja, citohet Express. (b.an)
