Presidentja e Parlamentit Evropian Roberta Metsola vizitoi papritur Kievin dhe u zotua për më shumë ndihmë të BE-së në mbrojtjen e Ukrainës.
Ajo postoi në Twitter një foto të takimit të saj me Presidentin Volodymyr Zelensky, me sloganin “guxim, forcë, vendosmëri”.
Ajo iu drejtua edhe deputetëve në parlamentin ukrainas.
“Populli ukrainas është hero. Ju po luftoni për atë që ne të gjithë besojmë: lirinë, demokracinë, sundimin e ligjit. Pa këto vlera, nuk ka asgjë tjetër,” tha ajo.
Muajin e kaluar kryeministrat e Polonisë, Republikës Çeke dhe Sllovenisë – respektivisht Mateusz Moraëiecki, Petr Fiala dhe Janez Jansa – vizituan së bashku Kievin për të treguar solidaritet me Ukrainën, ndërsa edhe Papa Francesku po e mendon vizitën në Kiev./m.j
