Ditën e nesërme në Këshillin Bashkiak do të mbahet seanca për shkarkimin e kryetarit Veliaj. Analisti Skënder Minxhozi komentoi për ‘Real Story’ kërkesën e Veliajt për të qenë i pranishëm në seancën ndaj tij duke thënë se kryebashkiaku ka të drejtë të dëgjohet përpara Këshillit Bashkiak.
Më tej në analizën e tij, Minxhozi tha se Veliaj ndodhet i vetëm përpara drejtësisë ndonëse mori vota të konsiderueshme në zgjedhjet e fundit dhe nuk u përmend aspak gjatë fushatës së fundit elektorale.
“Një i zgjedhur me 158 mijë vota është i barabartë me 10 deputetë dhe do të duhet të kishte të drejtën të dëgjohet dhe ai këshill nuk mund ta lejojë situatën të shkojë në kufijtë e një romani Kafkian.
Mbi teknikën prevalon politika dhe kjo na kthen në kohë mes datë 10 dhe 11 të këtij muaji ku në datën 10 mori dosjen dhe e çoi në gjykim dhe një ditë më vonë u mësua dhe pasardhësi i Veliajt. Me kryetarin në detyrë dhe në burg situata bëhet specifike dhe po lë shumë rrugë.
Mazhoranca dhe kryeministri kërkojnë ta shkarkojnë ku Rama ka thënë fjalë shumë të rënda ndaj drejtësisë dhe pas një jave i harroi ato fjalë. Pas një jave e harroi nga fushata dhe ishte një i munguar total. Mospërplasjen me drejtësinë e re dhe ruajtjen e asetit dhe të investimit 12 vite ta çoi deri aty që ato të drejta nuk i përmendi më, i fshiu nga tavolina dhe bën sikur nuk janë më. Kur përplasen ligjet, këto punë i zgjidh gjykata se po le hapësira ai që ka interes ta vazhdojë këtë rekurs mund t’i shkojë deri në fund.”
