Demokratët kanë vendosur që të hedhin themelet e së ardhmes mbi bazën e një formati amerikan për zgjedhjet në forumin rinor të Partisë Demokratike.
Platforma e re synon hapje dhe anëtarësime të reja, përballje platformash, debat alternativash, shpalosje vizionesh. Kjo është mënyra që do ti paraprirë votimit nga të rinj demokratë.
Çdo i ri që dëshiron ti bashkohet Forumit Rinor të Demokratëve do të ketë një muaj kohë. Të gjithë ata që duan të futen në garën për kryetar të FRPD kanë dy javë kohë në dispozicion të paraqitjes së kandidaturës.
Më pas, në një format amerikan, kandidatët për kryetar të FRPD do të zhvillojnë debate për platformat e tyre në çdo degë të PD. Pas shpalljes së platformave
kandidatët do ti përgjigjen pyetjeve të njëritjetrit dhe të të rinjëve që do ta ndjekin debatin. Në fund të çdo debati që parashikohet të zhvillohet me 12 raunde
sipas qarqeve, të rinjtë anëtarë të degëve përkatëse për çdo qark do të votojnë me votë të fshehtë për kryetarin e FRPD. Kandidati që merr më shumë vota në të
12 debatet e marra së bashku do të jetë kryetari i ri i FRPD.
