Kryetari i Parlamentit të Turqisë, Ismail Kahraman, ka thënë se vendi me shumicë myslimane ka nevojë të këtë një kushtetutë fetare, duke kundërshtuar parimet themelore të republikës moderne.
Kahraman, i cili është duke e hartuar statutin e ri, po ashtu tha se kushtetuta e re duhet të heqë përmendjen e laicizmit, duke e qarë faktin se Allahu nuk përmendet në kushtetutën aktuale turke, transmeton Gazeta Express.
Por, komentet e tij rreth një kushtetute të re hasen në kundërshtim nga opozita dhe nga një protestë e shkurtër në rrugë, të martën. Në vitet 1920, Mustafa Kemal Ataturk, krijoi republikën laike turke nga rrënojat e perandorisë teokratike osmane.
Ataturk largoi Islamin nga feja zyrtare e shtetit, zevedësoi arabishten me skripta latine dhe promovoi veshjen perëndimore dhe po ashtu të drejtat e grave.
Sidoqoftë, presidenti Tayyip Erdogan dhe partia në pushtet, Partia e Drejtësisë dhe Zhvillimit (AKP) kanë tentuar ta rikthejnë rolin e fesë në jetën publike.
Ata e kanë zgjeruar edukimin fetar dhe e kanë lejuar shaminë – e cila dikur ishte e ndaluar në zyrat shtetërore – të veshët në kolegje dhe parlament.
“Për një gjë, kushtetuta e re nuk duhet të këtë laicizem,” tha Kahraman, sipas disa videove të publikuara nga mediat turke.
“[Kushtetuta] duhet ta diskutojë fenë… nuk duhet të jetë jofetare, kjo kushtetutë e re duhet të jetë kushtetutë fetare,” tha ai.
Turqia është një vend me shumicë myslimanë Suni, por një e pesta e popullatës së vet prej 78 milionë vlerësohet të jetë Alevi, e cila buron nga Sh’ia, Sufi dhe nga traditat folklorike Anatolian. Po ashtu, Turqia është shtëpi e rreth 100 mijë të krishterëve dhe 17 mijë hebrenjve, citohet “Gazeta Express”.
