Për kryetarin e Opozitës Lulzim Basha nuk ka Gërdec as edhe 21 Janar. Nuk ka vit 1997 dhe nuk ka as edhe një Mea Culpa për gjithë atë që PD dhe ai vete u kanë bërë shqiptarëve.
Në turin e madh që po bën nëpër Shqipëri për të konfirmuar njerëzit për protestën e 16 Shkurtit, ai po përsërit retorikën e Ramës, kur erdhi në pushtet.
Njësoj po përdor retorikë të lartë, duke akuzuar për gjëndjen ekonomike dhe formën sesi qëndrojnë kundërshtarët në pushtet.
Po njësoj po bën ture kombëtare për të ndarë shqetësimin real të njerëzve dhe duke e kanalizuar për pushtetin e vet.
Kështu ka bërë dhe së fundmi kur me thirrje dhe brohoritma është pritur i pari i demokratëve në Mirditë, aty ku si në rrethe të tjera i ftoi në protestën e 16 shkurtit, në Tiranë.
Përpara mirditorëve Basha bëri thirrje për të rrëzuar qeverinë, e cila sipas tij është marrë peng nga kriminelët. Janë kriminelët tha ai që kanë marrë në dorë fatin e shqiptarëve, prandaj të gjithë bashkë të bashkuar, ata duhet t’i japin fund “grushtit të shtetit” siç tha ai.
“Zgjedhjet janë asgjësuar, një gjë nuk e ka kuptuar Edi Rama. Kujtojani në 16 shkurt se zot i vendit, pronar i institucioneve nuk mund të jetë kurrë një njeri. Sovrani i institucioneve është populli, janë qytetarët. Ndaj ju ftoj qytetarë dhe qytetare, të gjithë së bashku më 16 shkurt t’i japim fund këtij grushti shteti nga kriminelët që e kanë marrë shtetin dhe institucionet peng”,- tha Basha.
Njesoj dhe Rama perdorte te njejtyen gje kunder Sali Berishes.
Sipas Bashës edhe në vendin më të korruptuar të botës, kryebashkiaku Dako dhe ish-ministri Gjiknuri duhet të ishin pas hekurave.
“Ata e lidhën fatin me kriminelët, kush e lidh fatin me kriminelët, i vjedh i mashtron qytetarët. Ju e keni provuar këtë në kurrizin tuaj. Ju i dini skandalet e kësaj qeverie. Gjushi do ishte prapa hekurave në vendet ku funksionon drejtësia. Edi Rama i mbron ata që kanë bërë masakër me vjedhjen e votave. I mbron se pas kësaj skeme është vetë Edi Rama. Edhe qeveria më e korruptuar në vend do e kishe futur në burg ministrin e tenderit tek Unaza e Re, por Rama e mbron se prapa kësaj qëndron shefi i qeverisë”.
