Kryetari i PS, Edi Rama ka mbledhur Kryesinë e partisë prej orës 09:00 të mëngjesit të sotëm. Mbledhja urgjente u thirr pas arrestimeve të fundit të ish-deputetëve të PS, Ndoka dhe Cuko. Zyrtarja e PS Elisa Spiropali beri te ditur pak minuta me pare se jane shkarkuar 11 kryetar degesh te PS ne rrethe, nderkohe qe pritet te kete shkarkime edhe ne nivel drejtoresh. Disa nga qytetet ku janë shkarkuar drejtuesit e PS janë në; Cërrik, Selenicë, Delvinë dhe Memaliaj. Spiropali bëri me dije përballë medias se u është kërkuar të gjithë drejtuesve në rrethe të rrisin prezencën në territor, çështje kjo që do jetë pjesë e diskutimit.
Deklarata e Spiropalit
Vihet re një shkëputje nga disa territore, drejtuesve politikë u është kërkuar prezencën e tyre. Sidomos nga bashkitë që drejtohen nga opozita, ku vihet re një degradim i madh së pushtet lokal me qytetarët.
Ne s’kemi opozitë dhe nuk mund të presim lindjen e opozitës që të vendosim gishtin në plagët e qeverisjes lokale por edhe qendrore ky ka nevojë për ndërhyrje.
Është e rëndësishme që paralelisht punohet dhe më familjen tonë të madhe politike në territor.
Cilët janë kryetarët që janë shkarkuar?
Nuk e kam listën këtu, por natyrisht që do të bëhet publike.
Në mbledhjen e djeshme të grupit të PS, Rama u shpreh se ‘Kemi disa drejtorë legena që na nxijnë fytyrën duke u përfshirë në korrupsion e keqmenaxhim’. Në fokus të mbledhjes është analiza e gjendjes aktuale të drejtorëve pas arrestimeve të ditëve të fundit.
MA.ME
