Kryeredaktori i medias zyrtare të Partisë Demokratike “Rilindja Demokratike”, Bledi Kasmi ka komentuar “Foltoren” e ish-kryeministrit Sali Berisha.
Në rrjetet e tij sociale, ai shkruan se të gjithë demokratët që ndjekin aksionin e Berishës janë njerëz të vërtetë.
Po ashtu, në postimin e tij, Kasmi ka bërë një krahasim mes Foltores dhe lëvizjes së studentëve të dhjetorit në vitin ’90.
“Keta jane te vertete dhe nuk bejne sikur… Thirrjet e tyre sot jane gjemim qe ka zgjuar shoqerine duke i bere te shikojne se ka drite ne kete tunel te erresires, deshperimit, zhgenjimit, braktisjes dhe vrasjes se shpreses.
Ata jane njerez te vertete, pa grada e ofiqe. Ndoshta te varfer, por dinjitoze dhe krenare qe jane njerez te lire. Keshtu ishim edhe ne Dhjetorin ‘90 dhe atehere diktatura na quante “vandale”.
Kini frike nga njerezit e lire despote e mekembes te regjimit. Nese nuk u pelqejne mos i provokoni duke i ofenduar se ata shembin mure e regjime. Është koha e tyre!“, shkruan Bledi Kasmi në postimin e tij.
Eshte me te vertet per te habitur se si kryeredaktori i gazetes zyrtare te PD pozicionohet, qofte dhe ne rrjetin social, perkrah njeres pale ne perplasjen qe ka shperthyer ne PD.
Akoma me e rende behet situata, kur kreu i organit zyrtar te partise pozicionohet hapur perkrah Berishes, kunder kreut zyrtar te LD Lulzim Basha!
Berisha është drejt finalizimit të takimeve në turin “Foltorja” i nisur pas përjashtimit të tij nga grupi parlamentar i PD. Më herët Berisha ishte në Kavajë, ku edhe shpalli zyrtarisht ambicien për të drejtuar PD.
Ai dhe mbështetësit e tij kërkojnë mbledhjen e Kuvendit Kombëtar për të shkarkuar kryetarin aktual, Lulzim Basha. Nga ana tjetër, Basha dhe të tijët e interpretojnë ndryshe statutin dhe mohojnë mundësinë e mbledhjes së Kuvendit./m.j
