“Askush nuk qendron mbi ligjin, qoftë ai edhe kryeministri i Kosovës, Albin Kurti.” Ky ishte mesazhi që kryeprokurori i Prokurorisë Speciale Blerim Isufaj dërgoi nga konferencën e punës përmbyllëse të vitit 2024 të institucionit që ai drejton, ndërsa i quajti denigruese sulmet ndaj drejtësisë.
Kryeprokurori special theksoj se institucioni qe ai drejton nuk punon në mënyrë selektive, dhe pyetjes nese ai ka dicka personale, Isufaj iu pergjigj se një metodë e tillë pune është e papranueshme.
Sipas kryeprokurorit Isuaj nuk ka asnje rast ne dijeni e tij kur te thirrurit nga prokuroria Speciale janë pyetur në zyrat e qeverisë, ndaj Kreu i ekzekutivit duhet të tregohet bashkepunues.
Vete Kryeministri i Kosovës, Albin Kurti, i cili nuk i është përgjigjur thirrjes së prokurorisë special të Kosovës për tu pyetur lidhur me një rast korrupsioni ku implikohen ministra te qeverise te tij, ka sulmuar ashper prokurorinë.
Kreu i qeverisë kosovare shkoi dhe me tej ne sulmin e paprecedente, teksa i quajti prokurorët e Kosovës, “kërmij”, dhe “lepuj”.
Kurti ka vendosur që të mos i përgjigjet kërkesës së Prokurorisë Speciale për t’u pyetur si dëshmitar. Ai përmendi Kryeprokurorin e prokurorisë speciale. Blerim Isufajn, i cili nuk pranohet për kryeprokuror nga Qeveria dhe Presidenca, megjithëse është zgjedhur nga Këshilli Prokurorial i Kosovës, duke e quajtur ate “regjisor te skenes kur Kurti hyn në Prokurori dhe bëhet lajm ndërkombëtar për korrupsion”.
