Kryeministrja britanike, Theresa May mblodhi sot kabinetin ministror për takimin e parë pas pushimeve verore, në sfondin e mosmarrëveshjeve për kthesën që duhet të marrë vendi pas Brexit.
Nëse ministri i Financave, Philip Hammond aspiron që Britania e Madhe të qëndrojë brenda tregut të përbashkët evropian, ministra të tjerë shprehen njëzëri për daljen nga ky mekanizëm tregtar.
Konfuzioni ekziston edhe në mënyrën e drejtimit të negociatave me Brukselin.
A duhet të udhëheqen këto bisedime nga ministri i Punëve të Jashtme, Boris Johnson, ministri i Tregtisë Ndërkombëtare, Liam Fox apo ministri për Brexit, David Davis?
Takimi i organizuar në rezidencën e dytë të kryeministres në Chequers do të mundësojë vlerësimin e kësaj situatë të ndërlikuar dhe përcaktimin e një udhërrëfyesi të qartë për kabinetin e qeverisë
