Zhvillimi i fshatit dhe i bujqësisë mbetet një prioritet i qeverisë shqiptare. Gjatë një bashkëbisedimi me fermerë të Shijakut, kryeministri Rama deklaroi se zgjidhja e problemeve të trashëguara si pronësia mbi tokën bujqësore dhe sistemi i ujitjes e kullimit, janë në rrugën e zgjidhjes.
Në mbështetje të prodhimit bujqësor dhe zhvillimit të agro-përpunimit, qeveria ju ofron fermerëve një mundësi të re financimi përmes Fondit Kombëtar të Garancisë, për të cilin, Kryeministri theksoi se krahas buxhetit të shtetit përbën një tjetër linjë financimi.
Pas takimit me fermerët kryeministri u njoh edhe me projektet e përfunduara apo që po zbatohen në kuadër të rilindjes urbane në Shijak. Tashmë qyteti ka një qendër tërësisht të re dhe funksionale, ndërkohë puna vazhdon në kantiere të tjerë. Investimet në këtë qytet, do të vazhdojnë me 9 projekte të tjera ndër të cilat parku, ndërtimi i pedonales në qendër, unaza e vogël etj.
