Sa vjen e afrohet dita për debatin shkencor për demarkacionin dhe data e caktuar për ratifikimin e Marrëveshjes në Kuvend (3 dhe 4 gusht), aq më e rreptë po bëhet gjuha e kryeministrit të Kosovës Isa Mustafa ndaj atyre që po e kundërshtojnë demarkacionin, transmeton koha.net.
Pas rekomandimit që Mustafa si “specialist mjekësor” për ekspertë e profesorët që të kontrollohen te mjeku para se të flasin për demarkacionin, tash iu kthye dy deputetëve të opozitës të cilët ai i quajti mashtrues.
Kështu Mustafa për Pal Lekën e Rexhep Selimin ka shkruar:
“Pali i AAK-së, Rexhepi i VV e disa të tjerë sot më cilësuan me fjalorin e origjinës së tyre, por asnjëri nuk pati guxim dhe gatishmëri të thotë ku janë hektarët për të cilët ia vunë flakën Kosovës.
Unë ju ftoj të dëshmoni për hektarët, ose të pranoni publikisht se keni mashtruar dhe të votoni demarkacionin”… (b.an)
