Kryeministri i Kroacisë Tihomir Oreshkoviq duke komentuar vendimin e gjykatës së Hagës ku e shpall të pafajshëm Vojisllav Sheshelin ka thënë se pret reagimin e Serbisë.
Shefi i qeverisë kroate për N1 ka paralajmëruar mundësinë që Zagrebi të vazhdojë me bllokimin e negociatave për anëtarësimin e Serbisë në BE derisa nuk reagon në mënyrë të duhur.
“Vendimi është i turpshëm. Kjo është humbje e Gjykatës dhe Prokurorisë së Hagës. Sot jam në Vukovar vend ky ku ka kryer krim dhe nuk ka treguar keqardhje. Ka djegur edhe flamujt e Kroacisë dhe të BE-së.”, ka thënë Oreshkoviq.
