Pas shpalljes së rezultatit në Pennsylvania, Joe Biden numëron 284 vota elektrorale, duke e kaluar kështu 270-shen e nevojshme për të marrë Presidencën.
Pas këtij rezultati udhëheqësit e huaj tashmë kanë filluar të ofrojnë urimet e tyre për Joe Biden dhe Kamala Harris pasi ata u shpallën fituesit e zgjedhjeve presidenciale.
Njëri ndër të parët është kryeministri kanadez Justin Trudeau.
“Urime, Joe Biden dhe Kamala Harris. Dy vendet tona janë miq të ngushtë, partnerë dhe aleatë. Ne ndajmë një marrëdhënie që është unike në skenën botërore. Unë me të vërtetë menzi pres që të punojmë së bashku dhe ta ndërtoj atë me ju të dy”, shkruan ai në Twitter.
Kryeministri britanik Boris Johnson ka uruar Joe Biden dhe Kamala Harris për fitoren e tyre.
“Shtetet e Bashkuara janë aleati ynë më i rëndësishëm dhe unë pres që të punojmë ngushtë së bashku në përparësitë tona të përbashkëta, nga ndryshimi i klimës tek tregtia dhe siguria”, tha Johnson.
Kryeministri britanik kishte shmangur reagimet për një fitues të mundshëm derisa u shpall një fitues. Më herët ai ka theksuar se i besonte integritetit të sistemit zgjedhor të Amerikës.
g.kosovari
