Pasi sulmoi ashpër patnerin e tij të koalicionit Matteo Salvini, kryeministri i Italisë Giuseppe Conte është shprehur se do japë dorëheqjen.
Më herët Conte e akuzoi ministrin e Brendshëm, Matteo Salvini për papërgjegjshmëri dhe se kishte ndjekur vetëm interesat e tij dhe të partisë së tij duke prishur koalicionin në pushtet më 8 gusht.
Në një fjalim zyrtar në Senat, kryeministri akuzoi Salvinin, i cili është gjithashtu zëvendëskryeministri i tij parë, se i kishte shkaktuar një rrezik të madh vendit duke përmendur në mënyrë të veçantë rrezikun e një spiraleje ekonomike negative.
Matteo Salvini, personaliteti me peshë i qeverisë italiane dhe lideri i Legës (ekstremi i djathtë) kërkoi zhvillimin e zgjedhjeve të parakohshme sa më shpejt të jetë e mundur, duke bërë publike prishjen e koalicionit qeverisës në pushtet.
/l.m
