Kryeministri i Bullgarisë Boyko Borissov, vendi i të cilit mban Presidencën e radhës së BE-së, tha nga Tirana se 2-3 vende janë ende skeptike sa i përket hapjes së negociatave me Shqipërinë për anëtarësim në Bashkimin Europian.
Gjatë konferencës së përbashkët për mediat me kryeministrin Edi Rama, Borissov deklaroi se BE duhet t’i japë Shqipërisë një datë për negociatat
“Shpresojmë që në të ardhmen e afërt, rajoni të ketë një infrastrukturë moderne. Kuptohet, thotë Merkel: Ballkani perëndimor është tema më e vështirë që mund të zgjidhet. Secili nga fqinjët të jetë keq, të gjithë janë keq. Është e vërtetë që tregojmë përpjekje të shumta. Kemi dy tre shtete që janë skeptike ndaj Shqipërisë, por shumica e vendeve evropiane mendojnë se Shqipërisë duhet t’i hapen negociatat. Dy ose tre shtete janë skepike për integrimin e Shqipërise. Shqipërisë duhet t’i jepet një datë për negociatat”, tha Borisov
Kryeministri bullgar tha se Sofja zyrtare po përpiqet të bëjë gjithçka që është e mundur për bindjen e vendeve skeptike dhe caktimin e një date për hapjen e negociatave.
“Po tregojmë përpjekje të mëdha që t’i bindim vendet që na kanë mbetur në këtë drejtim deri në fund të Qershorit”, tha Borissov.
Kryeministri Rama vlerësoi mbështetjen e Bullgarisë për negociatat. Rama i vlerësoi marrëdhëniet me Bullgarinë si të shkëlqyera, duke përmendur këtu miratimin e ligjit për pakicat kombëtare.
“Ka bërë një sforco të jashtëzakonshme duke vendosur axhendën e Ballkanit në shtyllën kryesore, por duke qenë edhe avokati i Shqipërisë dhe Maqedonisë, i dorëzova medaljen e mirënjohjes. Shpresoj të kemi një lajm pozitiv të shumëpritur për Shqipërinë dhe Maqedoninë. Kemi diskutuar për mbështetjen nga Bullgaria për përgatitjen për negociatat. Dëshirës tonë për të mësuar nga kjo eksperiencë i përgjigjen për të nda ndihmuar. Diskutuam edhe për reformat, që Bullgaria i ka kaluar në një fazë më të hershme. Në programin e 100 fshatrave, Bullgaria ka marrë patronazhin për një fshat”, tha Rama
Javanews/a.ç
