Kryeministri grek Kyriakos Mitsotakis mori dozën e tretë të vaksinës anti-Covid në qendrën e vaksinimit masiv Prometheas, në veri të Maroussi.
“Do t’i kërkoja të gjithëve të bëjnë të njëjtën gjë, si për dozën e tretë, por në veçanti për ata që nuk janë vaksinuar ende. Sepse tanimë të dhënat janë të qarta dhe përtej çdo dyshimi sa i përket efektivitetit dhe sigurisë së vaksinës”, tha ai pasi u largua nga qendra.
Në Greqi, të gjithë ata që po marrin një dozë të tretë të vaksinës po bëjnë Pfizer-BioNTech, pa marrë parasysh se çfarë vaksine kanë marrë më parë.
Misotakis e mori dozën e parë të Pfizer-BioNTech në më 27 Dhjetor të 2020-s dhe të dytën më 18 Janar.
/a.r
