Kreu i bashkisë se Lushnjës, Fatos Tushe, pritet te njihet sot me masën e sigurisë, nën akuzën e abuzimit me tenderat.
Një ditë më parë Këshilli i Ministrave shkarkoi nga detyra kryebashkiakun e Lushnjës Fatos Tushe pavarësisht se gjykata nuk është shprehur akoma në lidhje me fajësinë apo pafajësinë e tij.
Në arsyetimin e Këshillit të Ministrave të publikuar ditën e sotme në fletoren zyrtare thuhet se Tushe shkarkohet pasi ka kryer shkelje të rënda por pa specifikuar se për çfarë shkelje bëhet fjalë.
Vendimi që mban firmën e kryeministrit Edi Rama është i datës 6 korrik, ditën kur kryebashkiaku i Lushnjës Fatos Tushe u vu në pranga në kuadër të një aksioni antikorrupsion, të urdhëruar nga SPAK.
/b.h
