Pavarësisht apelit të studentëve që politika t’i qëndrojë larg, partitë e opozitës kanë vijuar tentativën për t’iu bashkuar protestës së tyre.
Pas Lulzim Bashës, ditën e sotme edhe Monika Kryemadhi tregoi gatishmëri për t’i ndihmuar ata.
Kreu i LSI tha se partia që ajo drejton është e gatshme t’i ndihmojë me mjete logjistike dhe me njerëzit e saj. Madje, Kryemadhi tha se LSI mund t’i ndihmojë ata që të kthehen në liderë të ardhshëm.
Deklaratat e Kryemadhit erdhën gjatë një takimi me gratë e Lëvizjes Socialiste për Integrim në kuadër të 8 Dhjetorit.
Kryetarja e LSI u shpreh se studentët kanë të drejtë të kundërshtojnë tarifat, pasi prindërit e tyre rropaten nga mëngjesi në darkë për të siguruar bukën e gojës.
/javanews/a.rada
