Ndërsa përshëndeti procesin zgjedhor në Kosovë, kryetarja e LSI-së Monika Kryemadhi deklaroi se sfida madhore që Shqipëria ka përpara është realizimi i zgjedhjeve të lira dhe të ndershme si ato që zhvilluan vëllezërit tanë në Kosovë, ku nuk fitojnë partitë politike, por fiton sovrani dhe qytetarët.
Në një dalje për mediat nga selia e LSI, Kryemadhi tha se mazhoranca duhet ti japë fund estradave politike dhe të reflektojë sepse qytetarët shqiptarë dhe partnerët tanë ndërkombëtarë nuk mund të gënjehen më me lojëra fjalësh, por presin të vendosim tashmë në vendin e duhur themelet e demokracisë nëpërmjet zgjedhjeve të lira dhe të ndershme të cilat i mungojnë Shqipërisë.
Opozita e bashkuar, shtoi Kryemadhi, e ka bërë të qratë tashmë qëndrimin e saj për reformën zgjedhore dhe realizimin e zgjedhjeve të reja që konsistojnë direkt në zgjedhje të lira dhe të ndershme, në një qeveri tranzitore që u garanton shqiptarëve zgjedhje të lira dhe të ndershme dhe jo më vazhdimin e lidhjes së politikës me krimio e organizuar dhe bandat kriminale.
“I uroj vëllezërit tanë të Kosovës për përgjegjshmërinë, ku nuk ka fitues e humbës. Uroj të realizojnë me sukses sfidat, veçanërisht për përparimin e saj në Evropë.
Është shumë e qartë që para Shqipërisë ekziston tashmë një sfidë madhore, siç u përcaktua dhe nga Bundestagu, sfida e zgjedhjeve të lira e të ndershme. Mazhoranca duhet t’i japë fund estradës së lojërave politike dhe të reflektojë, se SHBA, BE, e partnerët ndërkombëtarë, nuk gënjehen më me lojëra.
Kjo është rruga e vetme për ta nxjerrë vendin nga kriza dhe për të marrë secili nga ne përgjegjësitë përpara shqiptarëve dhe historisë”, tha Kryemadhi.
g.kosovari
