Kryetarja e Lëvizjes Socialiste për Integrim ka reaguar lidhur me situatën që po kalon sistemi në drejtësi ku disa gjykata janë në vështirësi për shkak të largimit të shumë magjistratëve nga Vettingu.
Kryemadhi deklaroi se reforma është një sukses imagjinar pasi sipas saj drejtësia është e kapur nga kryeministri Edi Rama.
Ajo ka sulmuar edhe ndërkombëtarët duke i quajtur “paterica të qeverisë”. Ajo tha se qeveria është pjesë e zullumeve nga raportet e huaja, por sipas Kryemadhit diplomatët në Tiranë “nuk i shohin”.
“E vetmja ndjesi që më jep ky proces është neveria e thellë për të gjithë ata që për vite me rradhë i nëpërkëmbën dhe i përçmuan shqiptarët. Shqipëria është vend sovran dhe si e tillë fatet e vendit i kanë në dorë vetë shqiptarët. Në rastin më të mirë të huajt i mirëpresim të na ndihmojnë, por jo te bëhen patericë e qeverisë së krimit e drogës. Që është pjesë e çdo raporti ndërkombëtar për zullumet e veta, por që çuditërisht vetëm disa të huaj që janë këtu nuk i lexojnë këto raporte”, tha ajo./a.m.
