Deklarata të forta kanë ardhur nga kryetarja e LSI, Monika Kryemadhi, ndaj kryeministrit Edi Rama, i cili tha se socialistët votojnë kundër kërkesës së Prokurorisë për arrestimin e Saimir Tahirit. Kryemadhi tha se fjala e Ramës sot ishte dëshmi publike e një pazari mes kriminelëve që ndajnë rolet dhe hesapet mes tyre.
Kryemadhi deklaroi se drejtësia po përballet me pengesë të madhe për çështjen Tahiri dhe se mazhoranca e ktheu Këshillin e Mandateve në një gjykatë politike dhe teatrale.
Në një dalje për media, kryetarja e LSI e cilësoi kryeministrin njërin prej trafikantëve, dhe se po shkatërron të ardhmen e të rinjve, duke i lënë në duart e trafikantëve dhe vrasësve.
“Kryeministri shqiptar iu hoqi çdo mëdyshje shqiptarëve për lidhjen me krimin dhe trafikun. Ai është njëri prej tyre, mbështetësi, inspiruesi dhe përdoruesi i tyre. Drejtësia po përballet me një pengesë të madhe, që nuk janë vetëm kriminelët por edhe vetë Rama
Këshilli i mandateve u kthye në gjykatë, u dhunua kushtetuese, u kthye në mbështetëse të krimit. Dhunuan dhe raportin eVenecias, që tha ‘nuk duhet në asnjë rrethato të japë qëndrimin et ij për deputetin përkatës’. Këshilli i Mandateve u kthye në gjykatë politike dhe teatrale. Të gjithë shqiptarët prisnin, që Rama të lejonte drejtësinë të zbardhte të vërtetën.
Kryeministri është shndërruar në mburojë të krimit, e kërcënon drejtësinë dhe lë shqiptarët në duart e trafikantëve. Po dëmtojnë shpresën dhe të ardhmen e shqiptarëve, duke i lënë në duart e vrasësve, trafikantëve, duke iu hapur këtyre të fundit autostrada droge. Fjala e tij sot ishte dëshmi publik e një pazari mes kriminelëve që ndajnë rolet dhe hesapet mes tyre. Fjala e tij ishte dëshmi e strategjisë së tij për ta kthyer drejtësinë në zgjatim të kriminelëve. Rama edhe para pak minutash kërkoi t’i mbyllë gojën prokurorisë, pasi ai do të jetë edhe kryeprokuror, edhe gjykatës. I bëjmë thirrje prokurorisë ti shkojë të vërtetave deri në fund”, tha Kryemadhi.
a.ç
