Kryetarja e LSI-së, Monika Kryemadhi është ndalur tek procesi i Reformës në Drejtësi, ndërsa në pikëpamjen e saj ky proces ka rënë. Kryemadhi tha në emisionin “Të Pa Ekzpozuarit” në News 24 se kryeministri Edi Rama nuk e çon dot në burg atë, pasi nuk ka firmosur asnjëherë kundër sanskioneve dhe parashikimeve ligjore.
Drejtuesja e LSI-së u shpreh mes tjerash se shefi i ekzekutivit është mbuluar nga zullumet e tij dhe nuk ka asnjë që del garant për ta shpëtuar. Në fjalën e saj, kryemadhi u tregua e ashpër me ish-ambasadorët, ndërsa tha se një pjesë e tyre janë larguar me xhepat e fryrë.
“Mua s’më çon dot në burg se nuk kam firmosur në jetën time. Tani unë po iu them: Le t’i marrë Edi Rama dhe t’i fus të gjithë në burg. Nuk ka bir nënë që do ta shpëtojë Edi Ramën në zullumin ku ka rënë. Edi Rama do të rrëzohet edhe nga opozita, sepse ka një disavantazh të madh. Disa ambasadorë janë tallur me Shqipërinë, ikën me xhepa të fryrë. Shkoni verifikoni Romana Vlahutinin.
Për mua njëherë është një demagogji. Reforma ka rënë. Reforma në drejtësi ka vetëm një zgjidhje. Ajo është largimi i Edi Ramës. Kjo reformë ka dështuar, sepse nuk po gjen prokurorë dhe gjyqtar dhe do ta kthesh këtë si një dyqan”, tha ajo./a.meta
