Pas disa hyrje-daljeve në Policinë e Tiranës, Monika Kryemadhi ka folur para mediave. Ajo tha se i ka dhënë ultimatum policisë që të lirojë të ndaluarit për protestën e së enjtes.
Kreu i LSI u shpreh se bëhet fjalë për 14 të ndaluar, që kanë lindur në vitin 1995. Edhe pse ata janë mbi 24 vjeç, Kryemadhi tha se bëhet fjalë për 14 fëmijë.
“Ne jemi këtu për të treguar që çdo ditë dhe më shumë frika dhe paniku që kanë përfshirë Edi Ramën, e bëjnë që të shtojë gabimet. Kanë shoqëruar 14 fëmijë që kanë lindur në vitin 1995.
Madje ne sot i dhamë ujë policisë, por ata kishin frikë ta pinin se mos humbisnin vendin e punës. Pasi ka degdisur 500 mijë shqiptarë nëpër Europë, tani Rama po i arreston fëmijët.
Ne i dhamë ultimatum të dalin djemtë sa më shpejt” – tha Kryemadhi.
Duke komentuar deklaratat e ministrit Lleshaj, kreu i LSI tha se ai po bëhet qesharak.
Për këtë, Monika Kryemadhi kishte edhe një shpjegim: Sandër Lleshaj po bëhet gati për Kryeministër dhe ka nisur leksionet edhe nëpër universitetet.
/javanews/a.r
