Monika Kryemadhi tha sot në një takim me strukturat në Tiranë se krimi i organizuar ka emrin dhe fytyrën e Edi Ramës.
Kryetarja e Lëvizjes Socialiste për Integrim u shpreh se beteja e opozitës është pikërisht me krimin.
“Edi Rama është fytyra e krimit të organizuar, dhe largimi i tij do sjellë mbylljen e tranzicionit shqiptar”, tha znj. Kryemadhi.
Një ditë përpara protestës së opozitës së bashkuar, Kryemadhi apeloi për pjesëmarrje masive, pasi vetëm kështu do tunden themelet e Kryeministrit.
“Protesta e nesërme është një protestë e qytetarëve, e qytetarëve të Shqipërisë që janë të gatshëm për të ardhur në protestë.
Qytetarët nuk kanë ndërmend të gjejnë armikun e klasës, por kanë ndërmend të gjejnë të ardhmen e tyre, të garantohjnë mirëqenie për fëmijët e tyre, dhe mbi të gjitha siguri.
Protesta është një e rëndësishme sepse pjesëmarrja sa më e madhe do shkundë nga themelet atë mentalitet të kalbur në mendjen e Kryeministrit”, u shpreh Kryemadhi duke apeluar që të shmanget çdo akt dhune.
/a.rada
