Kryetarja e LSI-së, Monika Kryemadhi ka reaguar sot pas vendimit për procedim penal, të regjistruar për pas protestës së opozitës për mosbindjen civile dhe bllokimin e 4 akseve kryesore të vendit.
Në një bashkëbisedim me gazetarët Kryemadhi tha se nuk e shqetësonte fare procedimi penal.
“Mos kujtoni se është frikë e madhe, çdo ditë e më shumë drejtësia është kapur nga krimi, kriminelët që vrasin njerëz, plaçkisin vendin, janë të lirë dhe njoftohen një javë para se tu dalë mandati i arrestit, kur hallexhinjtë burgosen se po bëjnë ndërtim pa leje.
Mua nuk më shqetëson fare procedimi penal, kur të bëjmë dekriminalizmin do ta deklarojmë se jemi proceduar nga prokuroria e Ramës, por ajo që dua të them se sistemi i drejtësisë do të ketë probleme.
Drejtësinë nuk e kap dot askush.
Mua më gjykojnë vetëm shqiptarët dhe me gjykojnë me votë, kurse tjetri është qesharak. Ashtu si kam hyrë 17-vjec ne politike, do dal me voten e shqiptareve.
Nuk kërcënon dot as Rama, as Arta Marku, as Xhafaj. Unë këtu jam, rrugëve të Tiranës, ndaç me polici, ndaç pa polici, me çizme apo jo mua më kanë në këmbë”- tha Kryemadhi.
a.ç
