Festat e Nëntorit duhen të jenë ditë reflektimi për klasën politike shqiptare për të krijuar atë Shqipëri të cilën e kanë ëndërruar me qindra dhe mijëra vite shqiptarët, deklaroi të mërkurën kryetarja e Lëvizjes Socialiste për Integrim, Monika Kryemadhi.
Lëvizja Socialiste për Integrim nderoi ditën e Çlirimit në ceremoninë përkujtimore të zhvilluar në varrezat “Dëshmorët e Kombit”.
Kryetarja e LSI-së, Monika Kryemadhi tha se ”29 Nëntori është një ditë e shënuar për të gjithë shqiptarët”.
Duke iu referuar betejës së madhe të popullit shqiptar, Kryemadhi tha se ”nuk ka rëndësi numri, por dëshira, përkushtimi, vullneti dhe zemra për të fituar beteja të rëndësishme”.
“Ne sot nderojmë sakrificën e 28 mijë dëshmorëve, të cilët aspironin për një Shqipëri moderne”, theksoi Kryemadhi. /b.d
