Duket se tashmë partitë opizitare PD-LSI kanë një strategji të përbashkët kundër mazhorancës qeverisëse. Krerët e dy partive kanë zhvilluar takimin e radhës pas përplasjeve me mazhorancën për çështjen “Tahiri”.
Të shumta kane qenë lëvizjet sot brenda kampit opozitar, pas replikave të shkëmbyera sot mes kryeministrit Edi Rama dhe organit të prokurorisë së krimeve të rënda për çështjen e Saimir Tahirit dhe grupit të trafikimit “Habilaj”.
Sot pas deklaratave nga selitë e partive përkatëse, kryetarja e LSI-së, Monika Kryemadhi është parë që të shkojë në selinë blu, aty ku po zhvillon një takim, me kreun e PD-së, Lulzim Bashën.
Opozita në një zë kërkon arrestimin dhe gjykimin e ish-ministrit Saimir Tahiri, kurse mazhoranca vetëm hetimin, e jo veprime të tjera.
Ky është takimi i dytë që kryetarja e LSI-së, Monika Kryemadhi dhe Vasili zhvillojnë me kreun e PD-së, Lulzim Basha. Të dyja takimet kanë pasur në fokus çështjen e ish-ministrit Saimir Tahiri./a.m.
