Ministri i Jashtëm gjerman, Heiko Mass, është shprehur qartë mbi interesin dhe rëndësinë që Bashkimi Europian duhet të tregojë ndaj Ballkanit Perëndimor në mënyrë që shtetet e këtij rajoni, mes të cilëve edhe Shqipëria, të integrohen në familjen Europiane.
Mass ka vënë në dukje edhe rrezikun që i kanoset Ballkanit nga një influencë e Rusisë apo edhe Kinës, prandaj sipas tij BE duhet të ketë në interesin e saj zgjerimin strategjik të vendeve të rajonit.
Shefi i diplomacisë gjermane ka përshëndetur hapat pozitivë që po bën Shqipëria dhe Maqedonia për aderim në Bashkimin Europian. Ai theksoi gjithashtu se Gjermania është e prerë në qëndrimin e saj për të mbështetur vendet e Ballkanit. /b.d
