Në një intervistë në rubrikën “Opinion” në News24, kryebashkiaku i zgjedhur i Mirditës, Albert Mëlyshi foli për zgjedhjet e 14 majit dhe fitoren në këtë bashki.
Ai theksoi se pritshmëritë që në nisje të fushatës ishin të larta, pasi mirëpritja dhe mbështetja nga ana e mirditorëve ishte e lartë.
“Ishte një garë e gjatë, pasi me zhvillimin e Primareve ishte një vijimësi e gjatë takimesh. Pritshmëritë ishin të mëdha, pasi dhe nga takimet duket që situate po shkonte shumë mirë”, tha ai.
Më tej shtoi se gjatë takimeve shpalosi programit duke prezantua shtyllat kryesore që do të shërbejnë në Mirditë.
“Mirditorët pas 30 vitesh demokraci, flasin për të njëjta problematika. Në 2023 flitet ende për rrugë, ujë të pijshëm, riparim të linjave të energjisë elektrike, shpopullimi, mbyllja e shkollave apo edhe mungesa e qendrave shëndetësore. Duke pasur mungesë të investimeve, jeta e qytetarët është në vështirësi.
Kërkesa për të bashkëpunuar me kryeministri Edi Rama?
Mëlyshi: Ashtu si kryeministri është votuar dhe është kryeministri i Shqipërisë dhe kandidatura ime vjen nga qytetarët e Mirditës dhe në këtë mënyrë patjetër duhet edhe të ketë bashkëpunime. Është e domosdoshme që kryetari i një bashkie të ketë bashkëpunime sepse aty nuk jemi për interesa tona personale, por për qytetarët. Është detyrë e imja që të bashkëpunoj me qeverinë dhe do të përdor çdo mekanizëm ligjor që t’u shërbej mirditorëve.
Transparenca u shpreh ai është shumë e rëndësishme; “pasi në gjithë këtë kohë janë investuar shumë para dhe shihen shumë pak punë. Mirditorët kanë pasur pafund ankesa për administratën, një fryrje e jashtëzakonshme, janë shqetësime që i kam marrë gjatë fushatës”.
/s.f
