Kryebashkiaku i Kievit, Kliçko: Konfirmoj se nuk ka trupa ruse në qytet, por po godasim sabotatorët

“Ushtria jonë, forcat e zbatimit të ligjit dhe mbrojtja territoriale vazhdojnë të zbulojnë dhe neutralizojnë sabotatorët”.

Klitschko tha se nëntë civilë, përfshirë një fëmijë, janë vrarë në Kiev që nga fillimi i pushtimit rus, si dhe 18 personel ushtarak dhe të mbrojtjes territoriale.

“Për sigurinë e banorëve kemi vendosur shtetrrethim deri nesër në mëngjes. Mos dilni jashtë. Mund të largoheni vetëm nëse me sinjalin e alarmit ajror shkoni në vendet ku strehohen njerëzit”, tha ai.

“Rusia po bombardon lagjet e banuara në kryeqytetin ukrainas. Rusia po vret ukrainas në të gjithë Ukrainën!”.

Ministria e Mbrojtjes e Rusisë ka thënë se ka në shënjestër vetëm instalimet ushtarake, jo civilët.