Një tjetër zonë e pyllëzuar është përdorur për kultivim të lëndëve narkotike në Krujë. Policia bën me dije se ka asgjësuar 224 fidanë të kultivuar në kubikë në fshatin Cudhi.
Policia ka identifikuar dy autorë të dyshuar të mbjelljes së lëndës narkotike dhe ka vënë në pranga njërin prej tyre. Ndërkohë ka shpallur në kërkim një tjetër.
“Shërbimet e Policisë, nëpërmjet dronëve, kanë evidentuar në një zonë të pyllëzuar të njësisë administrative Cudhi, në territorin e pyllëzuar të fshatit Cudhi, 2 shtetas në tentativë për të hedhur në tokë, fidanët kanabis që kishin të kultivuar në kubikë.
Falë veprimeve të shpejta hetimore dhe informacioneve të marra, u bë i mundur identifikimi dhe shpallja në kërkim e njërit prej autorëve, konkretisht shtetasit L. M., 35 vjeç, banues në fshatin Cudhi”, thuhet në njoftim.
Policia po punon për identifikimin dhe arrestimin e personave përgjegjës.
/a.r
